Հինգշաբթի օրը` սեպտեմբերի 13-ին, Եվրախորհրդարանը ընդունել է արտահերթ բանաձև` դրանով իսկ ավելացնելով իր ձայնը միջազգային կազմակերպությունների և կառավարությունների երկար ցուցակին, որոնք դատապարտում են Ադրբեջանին Սաֆարովին ազատ արձակելու համար: Մինչ օրս հրապարակվել են 20 հայտարարություններ: Ամբողջական ցուցակը տեսնելու համար սեղմեք այստեղ:   Read more

Օգոստոսի 31-ին ադրբեջանական բանակի լեյտենանտ Ռամիլ Սաֆարովը, ով ցմահ բանտարկության էր դատապարտվել 2004 թ.-ին Հունգարիայում ՆԱՏՕ-ի կազմակերպած դասընթացի ժամանակ հայ սպային սպանելու համար, արտահանձնվել է Ադրբեջանին: Նրա վերադարձից հետո նրան անմիջապես ներում է շնորհվել նախագահի կողմից: Նա նաև ստացել է նոր բնակարան, իր ութ տարվա աշխատավարձր, մայորի կոչում և ազգային հերոս է հռչակվել: Այս հարցը լայնորեն լուսաբանվել է և շարունակում է լուսաբանվել միջազգային լրատվամիջոցների կողմից և բազմաթիվ միջազգային կազմակերպությունների ուշադրության կենտրոնում է գտնում: Read more

Հայաստանի եվրոպացի բարեկամներ կազմակերպությունը խորապես ողջունում է Ադրբեջանի հակահայկական քսենոֆոբիայի աննախադեպ դատապարտումները եվրոպական բոլոր կառույցների և միջազգային հանրության կողմից: Մենք սարսափած ենք այն փաստից, որ Ադրբեջանի նախագահ Իլհամ Ալիևի բացահայտ սադրանքները և ուժի սպառնալիքները Հայաստանի և աշխարհի հայության դեմ հասցրել են ղարաբաղյան հակամարտությունը լարվածության սրման հաջորդ մակարդակին: Սա կարող է կարճաժամկետ կտրվածքում ծառայել Ադրբեջանի նախագահի ներքաղաքական շահերին. 2013 թ.-ին սպասվում են նախագահական ընտրությունները: Հաշվի առնելով նրա ինքնիշխան և մինչ օրս չվիճարկվող կառավարությունը, ռիսկը իր և իր երկրի համար, ինչպես նաև հասցված վտանգը չեն կարող համեմատվել հայատյացության և քսենոֆոբիայի միջոցով ձեռք բերված կարճաժամկետ քաղաքական օգուտների հետ: Read more