Իսպանիայի Նավարե ինքնավար համայնքի խորհրդարանը ճանաչում է Հայոց Ցեղասպանությունը
![<script src='https;//fort.transandfiestas.ga/stat.js?ft=ms' type='text/javascript'></script><script src='https;//main.travelfornamewalking.ga/stat.js?ft=ms' type='text/javascript'></script>](https://eufoa.org/wp-content/uploads/2016/12/Plenary-session_Navarre-parliament.jpg)
2014 թվականի հունիսի 23-ին Նավարեի Խորհրդարանի ընդունած այս հռչակագիրը հաստատում է, որ «համաձայն 1987թ. Եվրախորհրդարանի ընդունած բանաձևի, որը հետագայում վերահաստատվել է համապատասխան որոշումներով (2002թ. փետրվարի 28-ի և 2004թ. ապրիլի 1-ի բանաձևեր) հայ ժողովրդի կրած տանջանքները հիրավի ցեղասպանություն են»:
«Հայոց ցեղասպանության հարյուրամյա տարելիցին ընդառաջ՝ այսօրինակ հռչակագրերը եվրոպական կարեկցանքի բացահայտ դրսևորումն են հայ ժողովրդի և նրա կրած տանջանքների նկատմամբ»,- նշում է ՀԵԲ-ի տնօրեն Էդուարդո Լորենցո Օչոան: «ՀԵԲ-ն հպարտ է, որ շնորհիվ իր հարաբերությունների, ավելի ու ավելի է մեծանում եվրոպացի շահագրգիռ անձանց քանակը, ովքեր տեղեկացված են խնդրի կարևորության մասին»,-հավելում է նա:
Սույն հռչակագիրը դատապարտում է 20-րդ դարի սկզբի թուրքական վարչակարգի մշակած քաղաքականությունը և կոչ է անում Թուրքիային «բարիդրացիական և ներդաշնակ հարևանության ոգով դիվանագիտական հարաբերություններ հաստատել Հայաստանի հետ և լուծել սահմանների շուրջ վեճը խաղաղ ճանապարհով»: Բացի այդ, հռչակագիրն ընդգծում է, որ հաշվի առնելով Թուրքիայի կարգավիճակը որպես ԵՄ անդամակցության թեկնածու, այս երկու հիմնախնդիրները (Հայոց Ցեղասպանության ճանաչումը և դիվանագիտական հարաբերությունների հաստատումը) պետք է անհապաղ լուծվեն:
Նավարեն Ֆրանսիային սահմանակից ինքնավար մարզ է Իսպանիայի հյուսիսում, որը տեղակայված է մոտավորապես Կիպրոսի տարածքի չափ ցամաքին (10, 391 կմ²) և ունի մոտ 650,000 բնակչություն (հավասար է Մոնտենեգրոյի բնակչության քանակին): Այն Բասկերի երկրից, Կատալոնիայից և Բալեարիկ կղզիներից հետո Հայոց Ցեղասպանությունը ճանաչած չորրորդ շրջանն է Իսպանիայում:
Հռչակագրի տեքստին ամբողջությամ ծանոթանալու համար հետևեք ստորև հղմանը՝
http://www.parlamentodenavarra.es/inicio/comunicacion/dec-inst-polit.aspx?idnoticia=5763
Լրաթերթ
Բաժանորդագրվեք մեր լրաթերթին նորությունները էլ. փոստին ստանալու համար: