ՀԵԲ-ի տնօրենը դասախոսում է Դուեստոյի համալասարանում միջազգային բիզնես սովորող ուսանողներին

Փետրվարի 3-ին եւ 4-ին ՀԵԲ-ի տնօրեն Էդուարդո Լորենցո Օչոան Դուեստոյի համալսարանի հրավերով դասախոսությամբ է հանդես եկել Միջազգային բիզնես դպրոցի համար: Երկուշաբթի օրվա դասախոսությունը վերնագրված էր «Բիզնեսների արդյունավետ հաղորդակցությունը ԵՄ-ում. միջգերատեսչական մոտեցում», իսկ երեքշաբթի օրվանը կոչվում էր «Բիզնես հնարավորությունները ԵՄ Արեւելյան գործընկերության ծրագրում. Հայաստանի օրինակը»: Երկու դասախոսություններն էլ համապատասխանում էին կրթական ծրագրի ներկայիս մոդուլին, որ կենտրոնացած է Եվրոպայի բիզնես հնարավորությունների վրա:

Պարոն Օչոան իր դասախոսությունը վարել է Skype-ի միջոցով հիմնականում միջազգային ուսանողների համար, ովքեր ապրում են Իսպանիայի Սան Սեբաստիան քաղաքում:

 

«Հայաստանը հիանալի օրինակ է, երբ խոսքը վերաբերվում է բիզնես հնարավորություններին: ԱլԳ այլ երկրների համեմատ՝ այն հասել է ԵՄ-ի հետ մոտարկման միջին, եթե ոչ ավելի բարձի մակարդակի»,- ասում է նա: — «Հայաստանում բիզնես փորձ ձեռք բերելը կարող է լրացուցիչ օգտակարություն ունենալ ԱլԳ այլ երկրներում ապագա գործարարության համար»:

 

Պարոն Օչոան կշարունակի դասախոսել Միջազգային Բիզնեսի մագիստրական ծրագրի ուսանողների համար թե´ ԵՄ-ին եւ թե´ Հայաստանին առնչվող թեմաներով:

 

Համալսարանի՝ Միջազգային բիզնեսի մագիստրական այս ծրագիրը (MIB) օգնում է ուսանողներին բացահայտել բիզնես հեռանկարներ եւ ռազմավարություններ իրականացնում է ամբողջ աշխարհում: Դուեստոյի համալսարանը շեշտը դնում է ուսուցման գործնական մոտեցման վրա եւ հաջողությամբ պատրաստում է բիզնեսի երիտասարդ մասնագետներ միջազգային մակարդակով:

 

Վերջին տարիներին պարոն Օչոան դասախոսություններ է վարել Եվրոպայի մի շարք համալսարաններում՝ այդ թվում Ռոշելի առեւտրի բարձրագույն դպրոցում, Հայաստանի ազգային ժողովրդավարության ինստիտուտում, նաեւ Հայաստանի դիվանագիտական դպրոցում, որի հիմնադրմանն անձամբ աջակցել է: Բացի այդ, պարոն Օչոան վերապատրաստման դասընթացներ է վարել Հայաստանի ավագ քաղծառայողների համար:

Լրաթերթ

Բաժանորդագրվեք մեր լրաթերթին նորությունները էլ. փոստին ստանալու համար:

Արխիվ

Հոկտեմբերի 2019
ԿՐ ԵԿ ԵՔ ՉՔ ՀԳ ՈՒԲ ՇԹ
 12345
6789101112
13141516171819
20212223242526
2728293031