WordPress-ի ՏԲ-ի սխալ՝ [INSERT, UPDATE command denied to user 'ID138653_euf1'@'79.174.131.197' for table 'wp_options']
INSERT INTO `wp_options` (`option_name`, `option_value`, `autoload`) VALUES ('_transient_doing_cron', '1721269943.4382760524749755859375', 'yes') ON DUPLICATE KEY UPDATE `option_name` = VALUES(`option_name`), `option_value` = VALUES(`option_value`), `autoload` = VALUES(`autoload`)

Լրագրողական այց Հայաստան և Արցախ (մայիս 3-10) - EuFoA

Լրագրողական այց Հայաստան և Արցախ (մայիս 3-10)

«Հայաստանի եվրոպացի բարեկամներ» («EuFoA») միջազգային հասարակական կազմակերպության նախաձեռնությամբ սույն թվականի մայիսի 3-ից 10-ը տեղի է ունեցել միջազգային լրագրողական այց Հայաստան և Լեռնային Ղարաբաղ (Արցախ): Այցի նպատակն էր հնարավորություն ընձեռել լրագրողներին բացահայտելու Հայաստանը և Լեռնային Ղարաբաղը՝ տնտեսական, սոցիալական, մշակութային և քաղաքական տեսանկյունից: Թե՛ Երևանում և թե՛ Ստեփանակերտում լրագրողները հնարավորություն են ունեցել հանդիպելու և հարցազրույցներ ունենալու Հայաստանի և Արցախի հանրապետությունների բարձրաստիճան պաշտոնյաների, ինչպես նաև տեղական քաղաքացիական հասարակության ներկայացուցիչների հետ: Հայաստանում ստեղծված քաղաքական իրադրության պայմաններում լրագրողները հնարավորություն ստացան դառնալ Թավշյա հեղափոխության ականատեսները: Նրանք Երևանում գտնվելու օրերին հանդիպումներ ունեցան շարժման ակտիվիստների հետ, որոնց գլխավորությամբ ընթացող բողոքի ակցիաները հանգեցրին Նիկոլ Փաշինյանի՝ վարչապետ դառնալուն: Եղան մի շարք հրապարակումներ շարժման մասին:

 

Այցի շրջանակներում լրագրողները նաև հնարավորություն ունեցան հանդիպելու Հայաստանի քաղաքացիական հասարակության մի շարք ներկայացուցիչների հետ, ինչպես նաև ծանոթանալու «IDeA» հիմնադրամի և «COAF»-ի («Հայ մանուկների հիմնադրամ») ծրագրերին՝ այցելելով ՏաԹևեր ճոպանուղի և Դեբետում կառուցված «COAF» Սմարթ կենտրոն: Արցախում գտնվելու օրերին լրագրողները եղան մայրաքաղաք Ստեփանակերտում՝ մայիսի 9-ին մասնակցելով Շուշիի ազատագրման օրվան նվիրված տոնակատարություններին: Բացի այդ, նրանք այցելեցին առաջնագիծ և վերականգնվող Թալիշ գյուղ, որը մեծապես տուժել էր 2016 թ. ապրիլյան քառօրյա պատերազմի օրերին: Միջազգային լրագրողները ծանոթացան նաև «HALO Trust» կազմակերպության իրականացրած ականազերծման աշխատանքներին և հարցազրույցներ ունեցան ականազերծողների հետ: Կազմակերպվեց նաև այց «TUMO» ստեղծարար տեխնոլոգիաների կենտրոն:

 

Լրաթերթ

Բաժանորդագրվեք մեր լրաթերթին նորությունները էլ. փոստին ստանալու համար:

Արխիվ

Հուլիսի 2024
MO TU WE TH FR SA SU
1234567
891011121314
15161718192021
22232425262728
293031